Óhugnaleg uppstilling

Óhugnalegt að stilla mannfólkinu upp á þennan máta. Að börn sem eru slök í stærðfræði séu börn sem eigi við vanda að etja. Skil ekki þessa umræðu, hvað um börn sem geta ekki ort ljóð, kunna ekki að læra ljóð utanbókar verðum við að finna lyf við því? Við erum öll ólík og það á ekki að leggja svona mikið upp úr því að finna lyf sem gera það að verkum að við getum öll fengið 10 í stærðfræði, ensku, dönsku og íslensku. Látið börnin okkar í friði og hættið að ota að þeim lyfjum sem hjálpa þeim við að einbeita sér. Fullt af fólkið sem plummar sig í lífinu án lyfja og án þess að geta reiknað algebru og stafað Torben á dönsku rétt. Fjölbreytni lífsins er vegna þess að við erum ekki eins, en það er kallað adhd og ofvirkni á læknamáli.

Tengsl milli einkunna og lyfjameðferðar við ADHD

Athugasemdir

[Anna Sigríður Guðmundsdóttir, 25.6.2012 kl. 17:18]

Ef barn/fullorðinn einstaklingur getur ekki lesið sér til gagns vegna stjórnleysi heilans (einbeitingarskorts og ofvirkni á háu stigi), þá er glæpur að hindra, að það barn fái vandaða greiningu og lyf sem hjálpa því.

Hvar í þróuðum heimi er hægt að ráða við lífið án þess að geta lesið, á 21. öldinni? Hver vill og ræður við að vera í þeim sporum að geta ekki lesið sér til gagns? Blindir fá aðstoð, en lesblindir verða sjálfir að stauta sig í gegnum þann fræða-frumskóg, til að finna og fá hjálp!

Hvað segja afbrotafræðingarnir um þetta?

Opinberir grunnskólar og barnaverndarnefndir eru heilaþvotta og framleiðsluvélar afbrotamanna framtíðarinnar.

Það er og verður áfram nóg af störfum hjá svikulu kerfinu, við að "sinna" og útskúfa þessu svikna fólki út úr samfélaginu, og koma sök annarra á það fólk. Það getur nefnilega miklu síður varið sig en aðrir.

M.b.kv.